top of page

Vermaak & Aktiwiteite

Damesdag

Donderdag, 5 September 2024

Vanjaar se Damesdag beloof 'n oggend van groot opwinding, bederf, lekker lag en kuier. In 2023, het 550 dames hierdie geleentheid bygewoon. 

Kom geniet 'n ontspanne vonkel oggend met top vermaak,

heerlike 3-gang ete, gelukkige trekkinge en 'n geskenk

vir elke dame.

Voorlopige Program vir 2024 sluit in:

Gasspreker:  Marciel Hopkins

Vermaak: THE MUSES

Besprekings open Julie 2024.

Kaartjies beloop R600 per persoon | Enkeltafels en tafels van 10 beskikbaar | Slegs 500 kaartjies is beskikbaar.

Damesdag Kaartjies 2024
Skoudans

Skoudans

Vrydag, 30 Augustus 2024

Wat is 'n skou sonder 'n skoudans en 'n skoukoningin!

Die kroning van die skoukoningin vir vanjaar se Swartlandskou vind op Vrydag 30 Augustus 2024 tydens die skoudans plaas.

 

Die wenners van 2023 was, skoukoningin Delane Kotze, 1ste prinses Anika van Zylen en  2de prinses Ansi du Toit.

 

Meisies wat wil inskryf vir die skoukoninginkompetisie moet tussen 18 en 25 jaar oud wees, beskikbaar wees vir die duur van die skou vanaf 4 tot 7 September 2024 en aan sekere vereistes voldoen.

Meer inligting oor die inskrywingsvorms sal later op die webwerf beskikbaar wees.

Kaartjies vir die skoudans beloop R350.00 per persoon en sluit n driegang maal en dans in.  'n Kontantkroeg sal beskikbaar wees.

Swartlandskou se huidige skoukoningin, Delane Kotze, gaan 2024 se wenner by die skoudans 1 Augustus kroon.

Kunstenaars

Programtye sal bevestig word

Van die groot name wat verlede jaar deel was van ons vermaakprogram is Deon Groot, Franja du Plessis, Ricus Nel,

Riaan Benade, Leah, Wikus Botma en Ivan Roux.

2024 se Vermaakprogram en kunstenaars sal binnekort

beskikbaar wees.

Hou die Swartlandskou webtuiste en Facebook-blad dop vir meer inligting oor kaartjieverkope vir 2024

Vermaak Hoogtepunte

Kindervermaak & "Touch Farm"

Programtye sal bevestig word

Swartlandskou is inderdaad 'n geleentheid vir die hele gesin, met talle vermaak vir die jongspan en 'n speelterrein met toesig vir die kleinspan. Dit beken Mamma en Pappa kan lekker kuier en weet die kinders is altyd veilig.

Vanaf Donderdag, 4 September sal daar daagliks 'n program aangebied word vir die kleinspan. Kom deel in die pret met kulkunstenaar Juldie, Step-by-Step Dansskool, Lollos, of geniet die dag ons speelpark.

Die gewilde "Touch Farm" sal weer vanaf Donderdag beskikbaar wees. Neem deel aan die interaktiewe sessies en leer meer oor ons plaasdiere. Daar sal definitief geen tekort wees aan vermaak vir die kleingoed by Swartlandskou 2024.

MTB

Saterdag, 7 September 2024

Die Swartlandskou MTB groei jaarliks en deelnemers kom van vêr om deel te neem aan die natuurskone roete - definitief 'n hoogtepunt vir die hele gesin.

60km - Die roete neem jou deur die pragtige Swartland natuurskoon. Die roete is uitdagend en slegs geskik vir fikse deelnemers.

40km - 'n Pretrit vir die hele gesin met die roete deur die kanola en koring lande van die Swartland.

10km - Vir beginners en kleingoed, hierdie roete is vir julle! Geniet die roete of koel sommer af na die uitdagende 60km roete.

Aktiwiteite.jpg