Perde
Ooo Ryperd!
Jaarliks kan besoekers uitsien na die beste van die beste in ons Swartlandskou se perde-afdeling.
Perdeliefhebbers kan uitsien na die Vlaamperd SA Kampioenskappe en die SA Saalperd Kampioenskap vanaf
2 tot 5 September, terwyl die indrukwekkende 8-span wa-perde op Saterdag 5 September weer ’n vertoning lewer wat jaarliks gehore van regoor die land lok.
Maak seker jy het jou plekkie op die pawiljoen, want hierdie is een van die hoogtepunte tydens Swartlandskou.
SA Vlaamperd
Die Vlaamperd, of Vlaamse perd, het nou wel nie sy oorsprong in Vlaandere, soos dit wil voorkom nie, maar wel net hier in Suid-Afrika.
Tydens die 19de eeu het die kenmerkende tipe perd totstand gekom in die voormalige Kaap provinsie - toe die "Hantam Perd" genoem.
Hierdie tipe perd is deur die gebruik van goeie gehalte Arabiese en volbloed hingste ingevoer en ontwikkel deur Lord Charles Somerset in 1820.
SA Saalperd
Die Suid-Afrikaanse Saalperd is ontwikkel deur vroeë pioniers in die VSA, wat 'n nutsperd met baie eienskappe begeer het.
Dit het skoonheid, maklike loopvermoë, 'n uitstekende temperament en alles gekombineer met opregte kwaliteit en stamina ingesluit. Die resultate het vanself gespreek.
Miniatuurperd
Die Suid-Afrikaanse Miniatuurperd is ’n opvallende, klein, goed gebalanseerde perd wat, indien alle verwysings na grootte uitgeskakel word, dieselfde liggaamsbou en verhoudings sou hê as ander volgrootte ligte perderasse.
Die merries vertoon verfyndheid en vroulike eienskappe, terwyl volwasse hingste dapperheid en manlike karakter toon.
Die algemene indruk moet dié van ’n goed gebalanseerde individu wees, ongeag grootte, met simmetrie, krag, ratsheid en wakkerheid.