Swartlandskou

een van die grootste Landbouskoue in

Wes- & Suidkaap met ‘n besoekers getal van

10 000 plus.

Vanaf 7 tot 10 September 2022 sal daar weer ‘n uitmuntende skou aangebied word te Moorreesburg Skougronde.  Met die goeie gesindheid van die gemeenskap, uitstallers, donateurs en borge is hierdie datum verseker een wat op die kalender aangeteken moet word!

In hierdie 88 ste bestaansjaar bars Swartlandskou behoorlik uit sy nate en kan die skou, net soos in die verlede, spog met die tentoonstelling van die mooiste perde, beeste en skape.  Mededingers kom van distrikte buite die gebied en neem ywerig deel aan die bedrywighede.

Optredes en vermaak wat vanjaar in die wyntuin aangebied word, het hoë prioriteit geniet en besondere aandag is gegee aan die samestelling van die program.  Bekende kunstenaars in die Suid-Afrikaanse musiekbedryf sal verseker dat ‘n fees-atmosfeer geskep word wat niemand mag misloop nie! 

Swartlandskou 2022 - presidentsbrief

Met die terugkeer na die sogenaamde “nuwe normaal” is ons as Swartlandskou Bestuur bevoorreg om weer ‘n Landbouskou in 2022 aan te bied.  Met die twee jaar wat verlore gegaan het, voel dit onwerklik om weer die voorreg te hê.

 Landbou het nie stilgestaan die afgelope twee jaar nie en die Swartland is in 2021 geseënd met ‘n bogemiddelde oes wat so broodnodig was vir die area.

 Met die 88ste bestaansjaar, bedank ons alle borge en donateurs wat weer soos voorheen, volstoom bydra tot die platvorm wat ons vanjaar gaan aanbied.

 Die vraag is hoe gaan Swartlandskou vanjaar lyk na die covid inperking?

 Wel ons is terug met ‘n skou soos voorheen, maar…….

 ‘n duidelike verskil na die twee rustende jare is by die bestuur sigbaar…. Vars planne en nuwe idees is op die tafel.  Met huidige en nuwe borgskappe is daar veranderinge by gevestigde afdelings se ruimte en aanbiedings.

 Die Bees-, Perde-, Skaap-, Boerbokke- Hoender- en Jeugskou tentoonstellings beloof weer eens om die arena’s propvol te hou.  Diere van hoogstaande gehalte gaan die skou weer mooi inkleur en oud en jonk kan  uitsien na ‘n pragtige skouspel.

 Die gewilde Damesdag  beloof om weer groot vermaak vir die 600 dames te bied en so ook die landbouseminaar vir die manne met goeie sprekers vir die dag.

 Die Boeredag stel ook nie teleur nie en landbouers kan proefpersele besoek om hul te vergewis van die nuutste werkbare spuitmiddels in die area.

 Goeie vermaak vir oud en jonk in die wyntuin word gewaarborg.

 Die Masjinierie afdeling  met uitstallers van oor die hele land, beloof om  van ‘n hoë gehalte te wees.  Met uitstalruimtes tot barstens toe vol, kompeteer uitstallers ywerig om die beste tentoonstelling voor te hou.

 Ten syte van die ekonomie wat moeilik optel, is ons dankbaar en is dit duidelik sigbaar hoe uitstallers uitgehonger is om weer hul produkte ten toon te stel.

 As deel van ‘n skoubestuur waarop ek baie trots is, bedank ek elke bestuurslid vir jul bydrae en bereiwilligheid.  Sonder jul onbaatsugtige diens sou dit nie moontlik gewees het nie!

 ‘n Persoonlike woord van dank aan ons skoubestuurder en sekretaresse vir hul daaglikse take wat reeds maande vooraf in aanvang neem.

 Ons opregte dank aan die Hemelse Vader vir die genade waarsonder dit nie moontlik sal wees om ‘n skou soos Swartlandskou te kan aanbied nie.

 Graag nooi ek u almal uit om die skou te besoek vanaf 7 – 10 SEPTEMER 2022

Kom ervaar die lekker verskeidenheid kosgeregte, gasvryheid, liefde en die styl van Swartlandskou!

 Besoek ons webwerf by www.swartlandskou.co.za vir ‘n volledige uiteensetting wat ons aanbied.

 Swartland Groete

JACQUES BESTER

PRESIDENT

AFDELINGS

Waar is jou belangstelling by die Swartlandskou?

Skoudans

Opening van Swartlandskou en kroning van skoukoningin & prinses.

Damesdag

‘n Jaarlikse hoogtepunt onder die dames! ‘n Heerlike ontspanne oggend

Dewald Wasserfall

Vermaak

Vir ieder en elk, besoek gerus die blad vir ons jaarlikse vermaak tydens Swartlandskou

Uitstallers

Topgehalte masjinerie & landbou verwante toerusting, stalletjies, heerlike kosse – iets vir ieder & elk

Jeugskou

‘n Groot hoogtepunt vir ‘n boerehart is ons jeugskou. Ondersteun die jongspan met hulle trots reg van die plaas af

Perde

Die middelpunt van die skou, ons bewonder elke jaar die ongelooflike diere en hul ruiters.

Skape

Hier ding die boere mee vir plek as die top skaap teler, skryf in of kom ondersteun die streek se telers.

Beeste

Trotse afdeling van Swartlandskou. Skryf in en wys jou trots!

Pluimvee

Pluimvee

Die pluimvee afdeling is baie gewild by elke skou en word druk deur die publiek besoek.
Skou MTB

Skou MTB

Swartlandskou MTB resies bied roetes vir ervare fietsryers asook as die familie.
Sierduiwe

Sierduiwe

Aangebied deur die NFPA te Swartlandskou Moorreesburg.

TOEGANG 2022

Woensdag: R40
Donderdag: R60
Donderdagaand: R50
Vrydag: R90
Vrydagaand: R120
Saterdag: R120

 

Kinders o/18: R30
Kinders o/5: Gratis
Pensioenarisse: R20

(Bo 65, ID noodsaaklik)

Kuierpakket: R350pp

(duur van skou & wyntuin)

Familiepakket: R450pp

(2 volwassenes & 2 kinders vir duur van skou)

Ledegeld: R150pp

(duur van skou)

ONS HOOFBORGE